Камчыбек Ташиев Камчы Көлбаевдин үй-бүлөсүнө кайсы мүлкүн калганын айтты

УКМК төрагасы маркум кримавторитеттин балдары “көчөдө калбасын деп” бирден мүлкүн бергенин айтты. 

“Үй, бар, кафе, магазин, ресторан, баарын алдык. Бирок анын балдары көчөдө калбасын деп тапшырма бердим, эки кызына эки батир, уулдарына, бирине батир, экинчисине Чолпон-Атадагы үйдү бердик. Аялына бир квартира берели десек, ресторанды бергиле деди, Асанбай кичи районундогу ресторан Көлбаевдики экен, ошону калтырдык. Көчөдө калбасын деп бирден мүлк бердик, калганынын баарын алдык”, — деди Ташиев.