Жол эрежесин бузгандыгы боюнча кат почта аркылуу эле эмес, онлайн, SMS аркылуу да келиши күтүлүүдө

Тиешелүү мыйзам долбоорун ИИМ демилгелеп, коомдук талкууга чыгарды.

Азыр мындай каттар  жарандардын же алардын үй-бүлө мүчөлөрүнүн колуна жеке тапшырылат. ИИМ 2024-жылга чейин 5 жыл ичинде токтомдорду басып чыгарууга, конвертациялоого жана жеткирүүгө 95,8 млн сом сарпталганын белгиледи.

«Ошондуктан каттарды электрондук почта, мамлекеттик портал, мобилдик тиркеме жана СМС аркылуу жөнөтүү мүмкүнчүлүгүн киргизүү зарыл», — деп айтылат мыйзам долбоорунун негиздемесинде.