Финансы министрлиги мамлекеттик мекемелерге 60 миллион сомго компьютер сатып алат

Финансы министрлиги мамлекеттик мекемелерге 60 миллион сомго компьютер сатып алат. Министрликтин алдындагы «Сатып алуу борбору» мамлекеттик мекемеси 59 миллион 630 миң сомго тендер жарыялады.

Финансы министрлиги аталган компьютерлерди төмөнкүчө бөлүштүрөт:

— Ишеналы Арабаев атындагы Кыргыз мамлекеттик университети — 80 жеке компьютер (6,56 миллион сомго);

— Чүй облусунун Москва районунун Жалпы дарыгерлик практика борбору — 100 жеке компьютер (5,5 миллион сомго);

— Бишкек мэриясынын Билим берүү департаментине — 90 компьютер (3,9 миллион сомго);

— Жогорку сотко — 60 персоналдык компьютер (2,3 миллион сомго);

—  Улуттук телерадиоберүү корпорациясы — 50 персоналдык компьютер (2 миллион сомго).

Буга чейин Финансы министрлиги 26 миллион сомго принтер сатып алууга тендер жарыялаган. Алар да мамлекеттик мекемелерге берилет.