Сюита Соурбаева УТРК директорунун орун басары болуп дайындалды

Сюита Соурбаева Улуттук телерадиоберүү корпорациясынын (УТРК) башкы директорунун орун басары болуп дайындалды. Бул тууралуу агенттикке анын кесиптештери билдиришти.

Ал бүгүн жалпы эмгек жамаатына тааныштырылды.

Белгилей кетсек, Сюита Соурбаева буга чейин аталган телеканалдын саясий-экономикалык жана социалдык багыттагы «Маалымат» студиясын жетектеп келген.