Ошто 20-апрелден тарта соодагерлер жаңы базарга көчүрүлөт

20-апрелден тарта борбордук эски базар жаңы муниципалдык базарга көчө баштайт. Бул туралуу Ош шаарыны мэри Жеңишбек Токторбаев тиешелүү кызматтардын, укук коргоо органдарынын жетекчилери менен жаңы базарды кыдырып чыгуу учурунда билдирди.

Мэр базар жетекчилигине жана тишелүү кызматтарга 20-апрелден баштап, эски муниципалдык базарды көчүрүп чыгуу боюнча иш-аракеттерди жүргүзүү, ошондой эле базардын тегерегинде бүтпөй калган жумуштарды ага чейин толук бүткөрүү, унаа токтоочу жайларды асфальттап бүтүрүү тапшырмасын койду.