Бүгүн борбор калаанын бир бөлүгүндө суу болбойт

Бүгүн борбор калаанын бир бөлүгүндө суу болбойт. Бул тууралуу Бишкек мэриясынан билдиришти.

Маалыматка ылайык, бүгүн, 17-апрелде саат 09:00дөн 16:00гө чейин Абакан көчөсү — Дэн Сяопин проспектиси — Кустанай көчөсү — темир жол линиясы, ошондой эле Кустанай көчөсү — Волков көчөсү — Садыгалиев көчөсү, — Дэн Сяопин проспектиси менен чектешкен аймакта ичүүчү сууну берүү токтотулат.

Суу «Киркомстром» суу алгычында жана шаардагы суу түтүктөрүндө оңдоп-түзөө иштерине байланыштуу өчүрүлөт.

Бишкек мэриясы келтирилген ыңгайсыздыктар үчүн кечирим сурайт жана уюмдардан, калктан алдын ала ичүүчү сууну камдап алууну суранат.