“Ала-Тоо” аянтына орнотулчу башкы желектин сабы Анкарадан алынат

Бул тууралуу Бишкек мэри Айбек Жунушалиев билдирди.
“Желектин сабын Анкарадан алып жатабыз. Анткени Түркия мамлекеттик символго өзгөчө маани берет”, — деди калаа башчысы. 

Бирок анын баасы айтылган жок. 

Эске салсак, азыр башкы аянт реконструкцияланууда. Бишкек мэриясы Кара-Кыргыз автоном облусунун 100 жылдык мааракесине арнап эми бийиктиги 100 метр болгон (мурдагы 45 метр) жаңы туу  орнотмокчу.