Кыргызстан январдагы карыздан кутулууга 2 млрд. сом коротту

Кыргызстандын мамлекеттик карызы узаган жылдын 31-декабрына карата 5 миллиард 147,22 миллион долларды түздү. Аны улуттук валютага которгондо 436,3 миллиард сомго жетет. Бул туурасында Финансы министрлиги билдирди.

Маалыматка ылайык, аталган сумманын 4 миллиард 294,57 миллион доллары ((364 миллиард сом) тышкы карыз. Ал эми ички карыздын көлөмү 852,64 миллион доллар (72,3 миллиард сом).

Ал эми январь айында республикалык бюджеттен карызды төлөөгө (ички-тышкы) 2,01 миллиард сом бөлүнгөн.