20-январга карата аба ырайы

Бугүн көпчүлүк аймактарда кар жаайт. Эртең менен туман түшүп, батыштан соккон шамалдын ылдамдыгы 4-9 метрге жетет. Бул тууралуу Кыргызгидромет билдирди.

Абанын температурасы:

Чүй жана Талас облустарында -1…-6 градус суук,

Ош, Жалал-Абад өрөөндөрүндө -1…+4 градуска чейин жылуу болот.

Баткенде -3…+2 градуска чейин жылыса,

Ысык-Көлдө -2…+3,

Нарын жергесинде -5…-10 градус суук болот.

Борбор калаа Бишкекте -2…-4,

Ош шаарында 0…+2 градуска чейин жылуу болот.