Мэрия борбордо интернет массалык өчүрүлүшү мүмкүн деген маалыматка комментарий берди

Бишкек мэриясы борбордо интернеттин массалык өчүрүлүшү мүмкүн деген маалыматка комментарий берди.

Эске салсак, 30-мартта Кыргызстандын байланыш операторлору ассоциациясы провайдерлердин абоненттеринде интернет массалык түрдө өчүрүлүшү мүмкүн экенин билдирген. Бул Жибек Жолу проспектиси жана башка аймактардагы мамыларды демонтаждоо менен байланыштуу экени айтылган.

Бишкек шаардык транспорт муниципалдык ишканасы интернет-провайдерлерден борбордук көчөлөрдүн узундугу боюнча бардык кабелдерди эки күндүн ичинде алуу талабын койгон. Сөз болуп жаткан участоктор:

• Жибек Жолу проспектиси – Батыш автовокзалдан Абдрахманова көчөсүнө чейин;

• Манас проспектиси / Ч. Айтматов проспектиси – Жибек Жолу проспектинен Ажыбек Баатыр көчөсүнө чейин;

• Абдрахманов көчөсү / Байтик Баатыр көчөсү – Жибек Жолу проспектинен Ахунбаев көчөсүнө чейин;

• Ахунбаев көчөсү – Байтик Баатыр көчөсүнөн Ч. Айтматов проспектиси боюнча;

• Чүй проспектиси – Бейшеналиева көчөсүнөн 7-Апрель көчөсүнө чейин;

• Горький көчөсү – Байтик Баатыр көчөсүнөн Манас проспектиси боюнча;

• Ауэзов көчөсү – Кольбаев көчөсүнөн Салиева көчөсүнө чейин.

АОС билдиргендей, эки күндүн ичинде бардык кабелдерди демонтаждоо мүмкүн эмес. Ошол эле учурда МП өзү кабелдерди алууга даяр экенин айткан. АОС мэрия эч кандай альтернативдүү чечим сунуштабай жатканын белгиледи.

Бишкек мэриясы суроого жооп берип, интернет кабелдерин жылдыруу боюнча операторлор менен иш жүрүп жатканын билдирди.

«Тиешелүү кызматтарга бул маселеге байланыштуу көрсөтмөлөр жана маалымдамалар жөнөтүлгөн», – деп белгилешти муниципалитеттен. Бирок демонтаждоо жана кабелдерди жылдыруунун так мөөнөттөрү көрсөтүлгөн жок.