Эндокринолог шишкебекти туура даярдоо сырларын ачыктады

Шашлык ден соолукка терс таасир тийгизбеши үчүн этти жана маринадды туура тандоо керек, деп билдирди эндокринолог Екатерина Янг.

Анын айтымында, идеалдуу маринад антиоксиданттык касиетке ээ болгон татымалдардан турушу керек. Аларга куркума, розмарин, тимьян, сарымсак, имбирь же кориандр кирет. «Айрыкча розмаринге көңүл буруу керек. Андагы кислота зыяндуу гликация продуктуларын нейтралдаштырып, куурулган кабыктын терс таасирин азайтат», — деп түшүндүрдү ал.

Мындан тышкары, дарыгер маринадга лимон, алма уксусу, йогурт же башка кычкыл кошууну сунуштады. Бул эттеги белок булактарын жумшартып, сиңимдүүлүгүн жакшыртат. Ошондой эле зайтун майын, авокадо майын колдонсо болот. Анын пикиринде, булар шашлык куурулуп жатканда зыяндуу заттардын пайда болушун азайтып, майда эриген витаминдердин жакшы сиңишине жардам берет.