Тоңдурулган азыктарды эритүүдөгү кеңири тараган каталар
Ашпозчу Дэвид Гиберт азыктарды эритүүдөгү кеңири тараган ката ден соолукка кооптуу кесепеттерге алып келиши мүмкүн экенин эскертти.
Гиберттин айтымында, көпчүлүк адамдар тоңдурулган азыктарды бөлмө температурасында эритишет, бирок бул туура эмес. Эгер азыкты ашканадагы үстөлдүн үстүндө калтырса, анын бетинде ооруну пайда кылуучу бактериялар көбөйө баштайт. Бул тамак-аштан ууланууга алып келиши мүмкүн.
«Эритүү — азыктын коопсуздугуна, түзүлүшүнө жана даамына түз таасир этүүчү процесс экенин түшүнүү керек. Азыктын температурасы 5тен 60 градуска чейинки аралыкта болгондо, ал “кооптуу аймакка” түшөт. Бул учурда бактериялар абдан тез көбөйөт», — деп түшүндүрдү ашпозчу.
Ошондуктан ал азыктарды муздаткычта эритүүнү сунуштады. Эгер тамакты дароо даярдоо керек болсо, анда азыкты муздак суу куюлган идишке салып эритсе болот, деп кошумчалады.
