Касымалиев иш сапары менен Түркмөнстанга барды

Министрлер кабинетинин төрагасы Адылбек Касымалиев иш сапары менен Түркмөнстанга барды. 

Сапардын жүрүшүндө министрлер кабинетинин төрагасы Көз карандысыз мамлекеттер шериктештигинин өкмөт башчыларынын кеңешинин кезектеги жыйынына катышат, анда соода-экономикалык жана маданий-гуманитардык кызматташтык маселелери талкууланат. 

Мындан тышкары, сапардын алкагында мамлекет жетекчилиги менен жолугушуу күтүлүүдө.