Селден жабыркагандарга 3,5 млн сом кенемте төлөндү

Өлкөнүн бир катар аймактарында катталган сел кырсыктарынан жабыркаган жарандарга камсыздандыруу кенемтелери төлөндү. Бул тууралуу Мамлекеттик камсыздандыруу уюмунан билдиришти.

Ага ылайык, кенемтенин жалпы көлөмү 3 млн 517 миң 965 сомду түздү.

Төлөмдөр төмөнкү аймактардагы камсыздандырылган турак жай ээлерине жүргүзүлдү:

Ош облусуна – 200 010 сом;

Баткен облусуна – 1 080 123 сом;

Манас шаарына – 2 237 832 сом.

Мамлекеттик камсыздандыруу уюму жаратылыш кырсыктарынан жабыркаган жарандарды колдоо иштерин улантып, камсыздандыруу төлөмдөрүн өз убагында жүргүзүүдө.