ЖОЖдор, колледждер жана кесиптик лицейлерде окуу жылы качан башталары айтылды

Быйыл жогорку окуу жайларынын, колледждердин жана кесиптик лицейлердин студенттери да окууну 15-сентябрда башташат. Бул тууралуу Гүлзат Исаматова билдирди.

Анын айтымында, мындай чечим Шанхай кызматташтык уюмунун саммити Бишкек шаарында өтө турганына байланыштуу кабыл алынган.

Буга чейин Кыргыз Республикасынын Агартуу министрлиги да өлкөдөгү бардык мектептерде жаңы окуу жылы 15-сентябрда башталарын жарыялаган.