Чолпон-Атада ЕАЭБге мүчө өлкөлөрдүн өкмөт башчыларынын жыйыны башталды

Ысык-Көл облусунун Чолпон-Ата шаарындагы №2 мамлекеттик резиденцияда Евразия өкмөттөр аралык кеңешинин (ЕӨАК) кезектеги тар курамдагы жыйыны башталды.

Жыйынга Кыргызстандын, Казакстандын, Беларустун, Армениянын жана Россиянын өкмөт башчылары катышууда.

Жыйындын жүрүшүндө экономикалык-интеграциялык кызматташтыктын актуалдуу маселелери, сооданы өнүктүрүү, инфраструктуралык долбоорлор жана биримдиктин алкагындагы техникалык жөнгө салуу маселелери каралат.

Белгилей кетсек, эртең жыйын кеңейтилген курамда өтөт.