Садыр Жапаров Президенттин Иш башкармалыгынын борбордук аппаратынын штаттык санын көбөйттү
Президент Садыр Жапаров 17-августта №295 жарлыкка кол коюп, Президенттин Иш башкармалыгынын түзүмүн бекитти.
Жарлыкка ылайык, Иш башкармалыгынын штаттык саны төмөнкүдөй белгиленди:
борбордук аппаратта — 210 кызмат орду;
республикалык бюджеттен каржыланган ведомстволук уюмдарда — 3 333 кызмат орду.
Ошондой эле Иш башкармалыгынын, ага караштуу уюмдардын жана Президенттин архивинин административдик мамлекеттик кызмат орундары бекитилди:
жогорку кызмат:
борбордун жетекчиси, кызмат жетекчиси;башкы кызмат:
бөлүм башчысы, бөлүм башчысынын орун басары, архив башчысы, архив башчысынын орун басары;
улук кызмат: сектор жетекчиси, референт, башкы адис;
кенже кызмат: адис.
Белгилей кетсек, 2022-жылы бекитилген жобого ылайык, буга чейин Иш башкармалыгынын штаттык саны борбордук аппаратта 143, ал эми ведомстволук уюмдарда 4 531 кызмат ордун түзгөн.
