Бишкекте №37 жаңы автобус каттамы 15-октябрда иштей баштайт

15-октябрдан тарта Бишкекте №37 жаңы автобус каттамы ишке кирет. Бул тууралуу мэриядан билдиришти.

Жаңы каттам «Биримдик Кут» конушун Курманжан Датка көчөсү менен байланыштырат.

Муниципалитеттин маалыматына ылайык, жаңы каттам аталган аймактардын тургундары үчүн транспорттук байланышты жакшыртып, борбор калаада жүрүү мүмкүнчүлүктөрүн кеңейтет.