Бишкек «Накталай эмес шаар» номинациясында эл аралык сыйлыкка ээ болду
Бишкек шаарынын мэриясы Түштүк Африканын Кейптаун шаарында өткөн O-CITY Conference 2026: Next is ONE эл аралык конференциясында «Накталай эмес шаар» номинациясы боюнча сыйлык алды.
Мэриянын маалыматына ылайык, сыйлык борбор калаанын коомдук транспортунда төлөмдөрдү санариптештирүү жана жол кирени накталай эмес төлөө системасына өткөрүү багытындагы иштер үчүн ыйгарылган.
19–21-октябрь күндөрү өткөн конференцияга Американын, Европанын, Африканын, Азиянын жана КМШ өлкөлөрүнүн муниципалитеттеринин, транспорт тармагынын өкүлдөрү, технологиялык компаниялар жана шаардык мобилдүүлүк боюнча эл аралык эксперттер катышты.
Иш-чарада Бишкек шаарын мэрдин орун басары Рамиз Алиев жана «Тулпар» долбоорунун өкүлдөрү Бекжан Акматбеков менен Каныбек Таалайбек уулу көрсөтүштү.
Бул сыйлык Бишкекте коомдук транспорттогу санариптик төлөмдөрдү өнүктүрүү багытында жүргүзүлүп жаткан иштердин эл аралык деңгээлде бааланганын көрсөтөт.
