Мушташкан классташтардын бири каза болду

Чүй облусуна караштуу Аламүдүн районунда эки классташтын урушу өлүм менен аяктады. Бул тууралуу ОИИББдан билдиришти.

Бишкектеги ооруканалардын бирине денесинен жаракат алган жарандын келип түшкөнү  милиция нөөмөтүнө кабарланган. Ал 34 жаштагы И.А. болуп чыкты. Жабырлануучу денесинен эсине келбеген абалда эле. Алдын ала билдирүүгө ылайык, Маевка айылында эки кишинин ортосунда пикир келишпестик жаралып, уруша кетишкен. Көп өтпөй ооруканага түшкөн жаран эсине келбей каза болду. Кылмышка шектүү катары маркумдун классташы 33 жаштагы К.У. кармалды.

Abal.kg