Кантта коронавирус жуктурган жигит Москвадан келген

Кыргызстанда коронавируска карата текшерүүдөн өткөн адамдардын анализинин жыйынтыгы чыгарылып, дагы 5 адамдан коронавирус аныкталды. Бул маалыматты бүгүн, 2-апрелдеги эртең мененки онлайн маалымат жыйында Саламаттыкты сактоо министрлигиндеги штабдын жетекчисинин орун басары Касымбек Мамбетов билдирди.

Вирус аныкталган 5 кишинин бири Чүй облусунун Ысык-Ата районундагы Кант шаарынын 22 жаштагы тургуну экени аныкталды. Ал Москвадан келери менен аэропорттон обсервацияга алынган. Бул маалыматты Ысык-Ата райондук мамлекеттик администрациясы тастыктап, учурда аталган жигит Бишкек шаарында дарыгерлердин кѳзѳмѳлүндѳ экенин билдирди.

Кыргызстанда коронавирус аныкталган бейтаптардын саны 116 адамга жетти.

Жалал-Абад облусунда жалпы 54 адам:
— Сузак району — 48;
— Ала-Бука району — 3;
— Аксы району — 1;
— Жалал-Абад шаары — 1;
— Кара-Көл шаары — 1.

Ош облусу боюнча жалпы 40 адам:

— Өзгөн району — 3;
— Кара-Суу району — 8;
— Ноокат району — 19;
— Ош шаары — 10.

Чүй облусу боюнча жалпы 5 адам:

— Москва району — 1;
— Аламүдүн району — 2;
— Сокулук району — 1;
— Кант шаары — 1.

Ысык-Көл облусу жалпы 2 адам:

— Түп району — 2.

Баткен облусу жалпы 3 адам:

— Баткен району — 1;
— Кызыл-Кыя шаары — 2.

Нарын облусунда жалпы 4:

— Нарын шаары — 4 учур.

Бишкек шаарында 8 адамдан коронавирус аныкталды.

Бейтаптардын ичинен 63 адам аял, 53 бейтап эркек киши. Алардын ичинен 11 бейтап 15 жашка чейинки (1 жашка чейинки 2 бала бар) балдар. Ал эми 31 бейтап 55 жаштан жогоркулар.

Abal.kg