Бишкектин жогору жагындагы көчөлөрдү суу каптап, ӨКМ себебин айтты

Ордо калаанын жогору жагындагы айрым көчөлөрдү суу каптады.

Тагыраагы, мамлекеттик резиденция аймагындагы көчөлөрдү жана Ала-Арча дарыясынын жээгиндеги Малдыбаев — Ахунбаев көчөлөрүнүн кесилиштерин суу каптаган.

Буга чейин айрым ЖМКлар Ала-Арча дарыясы жээгинен чыкканын жазып чыгышкан. ӨКМ маалыматты төгүндөп, каналдын шлюзу жабылбай калгандыктан көчөлөрдү суу каптаганын билдирди. Жеринде ӨКМдин кызматкерлери, техника иштеп жатат.