Уникум: Дүйнөдөгү эң “кедей президент” сенатордун пенсиясынан да баш тарткан (видео)
“Дүйнөдөгү эң “кедей президент”, деп атагы чыккан, 2010-2015-жылдары Уругвайдын президенти Хосе Мухика 2018-жылы сенатордун айлыгынан да баш тарткан. Президент-альтруист, вегетарианец Мухика 2015-жылдан тартып, президенттик мөөнөтү аяктагандан кийин уругвайдын сенатына иштөөгө өткөн. Экс-президент сенатордун посттун 2018-жылы август айында мөөнөтүнөн мурда таштап кеткен. А кийин сенатордун пенсиясынан баш тарткан, кедей-кембагалдардын пайдасы үчүн.
Хосе Мухика туурасында убагында өтө көп жазылган, айтылган:аАнын болгон байлыгы 1987-жылы чыккан эски фольксваген-коңуз машинасы экени; эл катары бир кабат жепирейген үйдө тураары; пенсияга чыккандан кийин үлүшүнө тийген жерди өз колу менен айдап, сээп, иштетээри; ушундай эле спартандык жашоону аялы сенатор Лусия Топлански дагы жактыраары.
Маалымдама:
Хосе Мухика 1935-жылы 20-майда Уругвайдын борбору Монтевидеодо туулган. 1960-1970-жылдары Куба революциясынан шыктанган ал солчул Tupamaros партизандарынын катарында Уругвайдын аскер диктатурасынын бийлигине каршы согушкан. Алты ирээт жарадар болгон, 14 жыл түрмөдө олтурган. 1985-жылы Уругвайга демократия орногондо түрөмөдөн бошонуп чыккан.
Түрмөдө олтурганда анын жашоого карата көз карашы калыптанган. Кийинки жашоо обарзынын өтө эле жупунулугу ушундан улам.
2009-жылы 74 жашында Уругвайга президент болуп шайланган.
Президент болуп шайлангандан кийин айлыгынын 90%тин — $12,500 өлчөмүн кедей-кембагалдар үчүн соопчулукка жумшап, өзүнө $775ин гана калтырган.
Прездентке берилүүчү баардык мамлекеттик камсыздоолордон баш тарткан. Кадимки эле айылдык дүкөндөн тамак-аш сатып алып, жөнөкөй эле поликлиникага барып, эл катары кезекке туруп, мамлекеттик жумуш аяктагандан кийин эски машинасын айдап үйүнө кайткан. Үлүшкө алган талаасында, ал президент кезинде эле аялы экөө өз колдору менен гүл өстүрүүгө өтүшкөн.
Банктарда жеке эсеби жок.
Баса, 2014-жылы араб шейхи анын эски фольксагенине бир миллион АКШ долларын сунуштаган. Хосе Мухика “байлыгын” сатуудан баш тарткан.
Саясий эксперттер аны 2019-жылы президенттик шайлоолордо кандидатурасын коет деп айтышкан. Бирок, Хосе Мухика алардын жоромолун жокко чыгарып, саясаттан четтеп, азыр жубайы экөө көндүм болгон жашоосун улантышууда.
Abal.kg
