Жалал-Абадда 100 орундуу оорукана курула баштады

Жалал-Абадда 100 орундуу оорукананын курулушу жүрүп жатат, аны каржылоо маселеси чечилди.

Бул тууралуу өкмөттүн Жалал-Абад облусундагы ыйгарым укуктуу өкүлүнүн орун басары Ырысбек Ызабеков 6-августтагы брифингде билдирди. Анын айтымында, Жалал-Абад шаарындагы Түштүк аймактык жүрөк-кан-тамыр хирургиясынын изилдөө борборунун имараты да капиталдык ремонттон өткөрүлүп жатат.

Коронавирустун экинчи толкуну тууралуу божомолдорго байланыштуу атайын комиссиянын чечими менен 39 пункттан турган иш-чаралардын планы иштелип чыкты. Күз мезгилинде оору-сыркоо көп болорун эске алуу менен облустагы район-шаарлардын жетекчилерине ага даярдык көрүү тууралуу тапшырма берилди.