Казакстан кайрадан авиакаттамдарды токтотууга белсенип жатат

Казакстандын саламаттык сактоо министри Алексей Цой COVID-19 боюнча кырдаал оорлошуп жатканына байланыштуу чек өлкөлөр менен аба каттамдарды чектөөнү сунуштады. Бул туурасында Sputnik Казахстан агенттиги жазды.

Ал өкмөттүн жыйынында 5-октябрдан тарта башка өлкөлөр менен авиакаттамдарды жандантпай жана учурдагы каттамдардын санын көбөйтпөй туруу керектигин айткан. Ошондой эле Түркияга каттаган учактардын санын кыскартууну сунуштап жатканы белгиленет.

Андан соң премьер-министр Аскар Мамин министрдин демилгесин ведомстволор аралык комиссиянын кароосуна киргизүүгө тапшырма берди.

Белгилей кетсек, Казакстан өткөн жумада эле Кыргызстан менен Россияга аба каттамдарын жанданткан болчу.