Минкаб төрагасы Адылбек Касымалиев бир күндүк иш сапары менен Тажикстанга барды

Аэропорттон аны Тажикстандын премьер-министринин орун басары Зиезода Сулаймон тосуп алды.

Жолугушууда тараптар мамилелерди чыңдоо, соода-экономикалык, энергетикалык, транспорттук жана маданий-гуманитардык тармактардагы маселелерди талкуулашмакчы. 

Сапардын алкагында Касымалиев Тажикстандын гидроэнергетика тармагындагы тажрыйбасы менен таанышуу үчүн Рогун ГЭСине барары айтылды. 

Буга чейин Бишкек менен Душанбе чек ара боюнча келишимге жетишип, марттын аягында Кожентте  тарыхта биринчи жолу Кыргызстан, Тажикстан жана Өзбекстан президенттеринин үч тараптуу саммити өтөт.