«Коопсуз шаар» Тез жардам кызматынын унааларына да айып салган

Бишкекте Жол кайгуул кызматынын өкүлдөрү менен Жогорку Кеңештин депутаттары митингге чыккан Тез жардам кызматынын айдоочулары менен жолукту.

Алар «Коопсуз шаардан» айып кагаздар келип жатканын айтып нааразы болушкан. 2023-жылы Бишкектин Тез жардам борборуна эле 2,7 млн сом айып пул чыккан. 

Айдоочулар шашылыш чакыруулар болгондо, эреже бузууга туура келерин, медиктер шаштырарын айтып, эми жол эрежесин бузгандан да коркуп калышканын белгилешкен.  Алар Тез жардам кызматын айып пулдан бошотуу керек деп эсептешет. 

ЖКККББ депутаттарга камералар кандай иштээрин, жол эреже бузган учурда токтом кандай чыгарын көрсөтүшкөн.