Ысык-Көлдө балдардын жол коопсуздугуна багытталган «Салам, жай!» иш-чарасы өтүүдө — ФОТО
Жайкы каникулдун башталышы менен, көпчүлүк балдар өздөрүнүн бош убактысын көчөлөрдө, ата-энелеринин коштоосунда, же болбосо аларсыз өткөрүшүүдө. Балдар өзгөчө жандуу жана сейрек болгондуктан, көчөлөрдө айрым учурларда көңүл бурбай, ар кандай жол коркунучтарын түшүнө бербейт. Жол эрежелерин бузуу менен, алар жол кырсыктарынын катышуучусу, же болбосо курмандыгы болуп калышы мүмкүн.
Ушундан улам, Ысык-Көл ОИИБ боюнча ЖКККБнын кызматкерлери, балдардын катышуусу менен жол кырсыктарын алдын алууга жана жол кыймылынын коопсуздугун жогорулатууга багытталган жалпы облустук «Салам, жай!» аталышындагы иш-чарасын өткөрүшүүдө.
Бул иш-чаранын алкагында жол коопсуздугунун инспекторлору облус тургундарына жайкы каникул учурунда жол эрежелеринин талаптарын сактоо милдетин түшүндүрүп, жолдордо жана турак үйлөрдүн короолорунда балдардын коопсуздугун кантип камсыз кылуу керектигин түшүндүрүшүүдө. Ошондой эле, жарандар балдардын кийимдерине жарыкты чагылдыруучу элементтердин зарылдыгы эмнеге керектигин жөнүндө да билишет.
Мындан тышкары, түшүндүрүү иштери жаш велосипедчилер, скутер сүйүүчүлөр жана балдар арасында популярдуу болгон башка жол кыймылынын каражаттары тарабынан жол эрежесин бузуулардын алдын алууга да багытталган.
«Транспорт ишканаларынын кызматкерлери менен жүргүнчүлөрдү, анын ичинде балдардын уюштурулган топторун ташууда жол кырсыктарынын алдын алуу жана болтурбоо боюнча инструктаждар өткөрүлөт», — деп билдиришти мекемеден.
