“Кыргызалтын” Сenterra компаниясынын 29 млн доллар которуулар боюнча айыптоосуна жооп берди
“Кыргызалтын” ААК канадалык Сenterra Gold Inc. компаниясынын аталган кыргызстандык ишкана тарабынан 12-майда 29 миллион доллардай которуулар боюнча айыптоосуна жооп берди.
“Кыргызалтын” ишканасынын маалымат кызматы билдиргендей, 12-майда жана кийинки күндөрү эч кандай финансылык операциялар жүргүзүлгөн эмес.
“Ошондой эле кыргызстандык ишкана жасалма төлөм документтер менен алектенбейт. “Кыргызалтын” ар дайым мыйзамды сыйлайт жана атагы чыккан, кадыр-баркы жогору баалаган акционердик коом болуп саналат”, — деп айтылат маалыматта.
Белгилей кетсек, 17-майда Жогорку Кеңеш “Кумтөр Голд Компани” ишканасына сырттан башкарууну киргизүү боюнча токтом кабыл алган. Мындан улам “Кыргызалтын” 12-майда каржы операцияларды “Кумтөр Голд Компани” менен жүргүзгөн эмес.
“Кыргызалтын” Сenterra Gold Inc. ишканасын мындан ары негизсиз айыптоолордон алыс болууну суранат.
