2021-жылы азык-түлүктүн, алкоголдук суусундуктун жана тамекинин баасы кымбаттаган. СТАТИСТИКА

Керектөө секторунда инфляциянын деңгээли 2021-жылдын январь-декабрында 2020-жылдын декабрына салыштырмалуу 11,2 пайызды түздү. Бул тууралуу маалымат жыйында Улутстаткомдун төрагасы Бактыбек Кудайбергенов билдирди.

Ал кошумчалагандай, 2020-жылдын декабрында көрсөткүч 9,7 пайызды түзгөн.

«Аны менен катар азык-түлүккө жана алкоголсуз суусундуктарга болгон баалар 13,3%га, алкоголдук ичимдиктерге жана тамеки заттарына баалар 11,4%га, азык-түлүктөн башка товарларга дээрлик 10%га жана калкка кызмат көрсөтүүгө 7,1 пайызга жогорулаган», – деди ал.