Бишкекте 9-майда өтүүчү «Өлбөс полк» иш-чарасы учурунда айрым көчөлөр жабылат
Бишкекте 9-майда өтүүчү «Өлбөс полк» иш-чарасы учурунда айрым көчөлөрдүн бөлүктөрү жабылат. Бул тууралуу Милициянын кайгуул кызматынын маалымат кызматы билдирди.
Маалыматка ылайык, иш-чара саат саат 9:00дө башталып, болжол менен саат 13:00 гө чейин созулат. Андыктан төмөнкү көчөлөрдүн бөлүктөрү убактылуу жабылат.
— А. Токомбаев көчөсүнүн Байтик-Баатыр көчөсү менен кесилишкен бөлүгү;
— Байтик Баатыр көчөсүнүн түндүктү көздөй Жумабек көчөсүнө чейинки бөлүгү;
— Жумабек көчөсүнүн Ибраимов көчөсүнө чейинки бөлүгү:
— Ибраимов көчөсүнүн Чүй кең көчөсүнө чейинки бөлүгү;
Милициянын кайгуул кызматы шаар тургундарын жана конокторду иш-чара учурунда жогорудагы көрсөтүлгөн жолдорду эске алуу менен маршурттук каттамыңыздарды алдын ала пландап алууну суранат.
«Ошондой эле иш-чара учурунда акредитациядан өтпөгөн массалык маалымат каражаттарынын окүлдөрүнөн учуучу аппараттарды (дрон, видео фото сүрөттөрүн) камтыган каражаттарды колдонбоого чакырабыз», — деп айтылат маалыматта.
Белгиленгендей, иш-чаранын жүрүшүндө милициянын кайгуул кызматкерлери коомдук коопсуздукту жана жол кыймылынын коопсуздугун толук кандуу камсыз кылат.
