«Эмират» кайрымдуулук уюму суу скважиналарын орнотууга, айыл кыштактарга суу чыгарууга өзгөчө маани берет. Сокулук районуна караштуу 2000 жашоочусу бар «Луч» айылында орнотулган кезектеги таза суу скважинасы даяр болуп, элге колдонууга өткөрүлүп берилди. Скважина 90 м. тереңдиктен, 1 минутасына 14 куб суу чыгарат.
Суу скважинасынын демөөрчүсү Ахмед АльАмри мырза жеке өзү буга чейин тургундардын муктаждыктарын байкап, скважинадан тышкары мектеп, бала бакча, үй- бүлөлүк дарыгерлер тобунан турган комплексти куруу демилгесин колдоп, жеке өзу каржылоодо. Учурда курулуш иштери кызуу журуп жатат жана аз убакыттан соң колдонууга берилет.
