УКМК: Прокурордун улук жардамчысы пара менен кармалды

19-апрелде саат 18:40та УКМК Мамлекеттик прокуратуранын Тергөө башкармалыгы менен биргеликте Бишкек шаарынын Свердлов райондук прокуратурасынын прокурорунун улук жардамчысын прокуратуранын имаратында пара алып жаткан жеринен кармады.

Борбугулов Абдубали Тайырбекович өзү тергеп жаткан сотто каралып жаткан иш боюнча оң чечим чыгаруу жана арыз ээсине карата өзүнчө сотко чейинки өндүрүштү жокко чыгаруу үчүн 450 миң сом (5 миң АКШ доллары) өлчөмүндө опузалап акча талап кылган.