Ошто 12 жаштагы эркек бала кутурмадан көз жумду
Кырсык 6-класстын окуучусу чоң энесиникине барганда болгон. Аны ит капкандан кийин тиштелген жерин спирт менен сүртүп коюшкан. Сентябрдын орто ченинде балада гидрофобия (суудан чочулоо, коркуу) сезими пайда болгон. Саламаттыкты сактоо министрлигинен дарыгерлер окуучуну текшерип, диагноз коюп, ооруканага жаткырышканын, өспүрүм үч күндөн соң каза тапканын билдиришти.
Окуучуну ата-энеси аны сойдуруудан баш тартышкан.
Кутурма — вирустук оору, ал дээрлик бардык учурда иттин тиштегенинен жугат. Эгер ушундай окуяга кабылсаңыз, дароо ит тиштеген жерди самындап жуушуңуз керек. Сөзсүз жакын жердеги медициналык жайга барып же Тез жардам чакыруу зарыл. Дарыгерлер дарылануу курсун дайындайт. Эмделүү акысыз.
@abal-kg
