Бишкектеги автобустардын саны кийинки жылы 1500гө жетет

Вице-мэр Максат Сазыкулов учурда 624 жаңы автобус алып келингенин, дагы 500 даана келерин айтты.

“2024-жылдын 20-февралына 300-350 автобустун, 20-мартка калган 150-200 автобустун келиши күтүлүп жатат. Тагыраагы, кийинки жылдын март айынын аягына чейин дагы 500 автобус алып келинет. Мындан сырткары, бизде Европа реконcтрукциялоо жана өнүктүрүү банкынын кредиттик линиясы менен 4-5 ай ичинде 95-100 автобус келет. Кийинки жылы 1500 автобуска чыгабыз”, — деди Сазыкулов.