Эмгек министрлиги: Дүйшөмбү, 17-июнь, эс алуу күнү

Эмгек, социалдык камсыздоо жана миграция министрлиги быйыл Кыргызстан мусулмандарынын дин башкармалыгы ай календары боюнча аныкталган “Курман айт” күнүн расмий түрдө 16-июнь дем алыш (жекшемби) деп жарыялаганын билдирди.

Эмгек кодексинин 113-беренесине ылайык, дем алыш күнүнө жана жумуш эмес майрам күнүнө туш келип калганда дем алыш күн майрамдан кийинки жумуш күнүнө которулат.
Демек, дүйшөмбү, 17-июнь, беш күндүк жана алты күндүк иш жумасынын графиги боюнча иштеген мамлекеттик жана муниципалдык уюмдардын, мекемелердин жана ишканалардын мамлекеттик бюджеттен каржыланган кызматкерлери үчүн дем алыш күн болуп саналат.