Өзбекстандан келе жаткан 24,5 тонна пияз артка кайтарылды

Мамлекеттик чек арадагы фитосанитардык көзөмөл күчөтүлгөн режимде жүргүзүлүүдө. Бул тууралуу Айыл чарба министрлиги билдирди.

«Кең-Сай» фитосанитардык көзөмөл постунда Өзбекстан Республикасынан алынып келинген салмагы 24,5 тонна болгон пияз текшерилди.

Текшерүүнүн жыйынтыгында жүктө милдеттүү маркировканын жоктугу аныкталган.

Ушуга байланыштуу аталган жүк жөнөтүүчүгө кайра кайтарылды.