Бишкекте Чыгыш айланма жолун декабрда ачуу пландалууда

Бишкек шаардык мэриясы калаанын чыгыш тарабындагы айланма жолду декабрда ачууну пландап жатканын билдирди.

Маалыматка ылайык, узундугу 16 чакырым болгон Кант — Көк-Жар жаңы акы төлөнүүчү автомагистралы шаардын жыш курулуш аймагынан тышкары өтөт. Долбоор мамлекеттик-жеке өнөктөштүк алкагында ишке ашырылып, алдын ала баасы 65 миллион долларды түзөт.

Муниципалитеттин айтымында, жол борбордун чыгыш багытындагы тыгынды азайтууга жардам берет. Жукеев-Пудовкин, Ахунбаев, Сухэ-Батор жана Лев Толстой көчөлөрү менен кесилишкен жерлерде төлөм пунктулары орнотулат. Ар биринде 10дон терминал болот.

Акы төлөнүүчү жолдо саатына 90 чакырым ылдамдык менен жүрүүгө болот. Бирок баасы айтыла элек.