Глобалдык жылуулуктан улам аптаптуу ысыктын мезгили узарууда

Окумуштуулардын изилдөөсүнө ылайык, глобалдык жылуулуктун күчөшү менен аптаптуу ысык толкундары тез-тез кайталанып, күчөп гана тим болбостон, алардын башталышы да эртерээк болуп, аяктоо мөөнөтү кечеңдөөдө.

1979–2023-жылдар аралыгында ысык толкундарынын биринчи мезгилинин башталышы ар он жылда орточо 3,29 күнгө эртерээк жылган. Ал эми акыркы ысык толкунунун аякташы 5,41 күнгө кечиккен. Натыйжада аномалдуу ысыктын мезгили ар он жылда орточо 8,71 күнгө узарган.

Изилдөөдө бул тенденция улана берсе, 45 жылдын ичинде ысык мезгил болжол менен 39 күнгө узарганы белгиленет. Бул айыл чарба өсүмдүктөрүнүн экстремалдуу температурага кабылган мезгилинин да көбөйүшүнө алып келүүдө.

2001–2023-жылдары негизги айыл чарба өсүмдүктөрү көбөйүү стадиясынын маанилүү учурларында аномалдуу ысыкка дуушар болгон айдоо аянттарынын үлүшү 1979–2000-жылдарга салыштырмалуу 1,6–13,3%га өскөн.