Трамп Си Цзиньпинди Вашингтондо бомбардировщик учуруп, кызыл килем менен тосуп алды
АКШ президенти Дональд Трамп Кытайдын төрагасы Си Цзиньпинди Вашингтондо өтө турган үч күндүк саммиттин алдында салтанаттуу тосуп алды. Бул тууралуу Reuters агенттиги жазды.
Трамп Си Цзиньпинди Мэриленд штатындагы Эндрюс биргелешкен авиабазасында жеке өзү тосуп алды. Аэродромдо АКШнын Аскер-аба күчтөрүнүн оркестри ойноп, АКШ менен Кытайдын желектери илинди.
Си Цзиньпин жана анын жубайы Пэн Лиюань Air China учагы менен жергиликтүү убакыт боюнча саат 17:39да конушкан. Учактын жанына ардактуу кароол тизилип, узундугу 30 метрлик кызыл килем төшөлгөн.
Трамп менен жубайы Мелания Трамп Си Цзиньпин жана Пэн Лиюань менен кол алышып, кыскача сүйлөшкөндөн кийин чогуу сүрөткө түшүштү.
Салтанат учурунда АКШнын улуттук гимни жаңыртылып жатканда базанын үстүнөн эки B-1 бомбалоочу учагы учуп өттү.
Андан соң эки делегация Вашингтонго өзүнчө унаалар менен жөнөп кетти.
