Бишкекте 5 мектеп, бир университетке бомба коюлганы айтылды

Бишкектеги беш мектепке бомба коюлгандыгы тууралуу маалымат түшүп, окуучулар эвакуацияланды

Маалым болгондой, № 69, 33, 89, 67 орто мектептерине жана «Илим» менчик мектебинин электрондук дарегине имаратка жардыруучу зат коюлгандыгы боюнча кат келген.

Ушундай эле маалымат Кыргыз-Россия Славян университетинин башкы корпусуна да түшүп, ал жактагылар да эвакуацияланган.

Буга чейин да бир нече мектепке бомба коюлгандыгы тууралуу маалымат түшүп, кийин ал тууралуу жалган кабар тараткан окуучулар кармалган.