ТЭЦтеги жарылуудан жабыркагандар Түркияга жөнөтүлүшү мүмкүн

Садыр Жапаровдун тапшырмасы менен саламаттык сактоо министри түркиялык кесиптештери менен сүйлөшкөн. 

Бүгүн Түркиянын күчтүү комбустиологдорунун (күйүк боюнча хирург) бири профессор Корай Даш менен онлайн-консилиум өткөрүлүп, жабыркагандарды дарылоонун тактикасы талкууланат. 

Эртең өлкөгө түркиялык эки адистин келүүсү күтүлүүдө. Алар жергиликтүү дарыгерлер менен биргеликте күйүк алган жумушчуларга керектүү медициналык жардам көрсөтүшөт. Андан ары зарылчылык жаралса жабыркагандар Түркияга жөнөтүлөт.