Панфилов районунун энергетиктерине кылмыш иши козголду

Панфилов районунун электр тармактарына (РЭС) текшерүү жүргүзүлүп, жыйынтыгында кылмыш иши козголгонун Башкы прокуратуранын маалымат кызматы билдирди.

Текшерүүнүн жүрүшүндө Панфилов РЭСинин материалдык жооптуу адамдары тарабынан жалпы суммасы 1 миллион 605 миң 749 сомдук материалдык баалуулуктардын жетишсиздиги аныкталган.

Аталган факт боюнча Кылмыш-жаза кодексинин 210-беренеси («Ишенип берилген мүлктү ыйгарып алуу же коротуу») боюнча кылмыш иши козголду.

«Тергөөнүн жыйынтыгы менен келтирилген материалдык чыгымдын баары толук өндүрүлүп, кылмыш иши райондук сотко жөнөтүлдү», — деп айтылат маалыматта.