Мындай пикирин Александр Лукашенко Минск шаарында өткөн ЖККУ өлкөлөрүнүн коопсуздук кеңеш катчылары менен жолугушуусунда билдирди.
Беларусь лидери ЖККУ мамлекеттери «тышкы басымдын жана кооптуу маалыматтык куралдын бутасында» турганын айтты.
«Көрүп жатпайсыңарбы, чайпалтууга аракет кылышууда. Кыргызстандан колуңарды тарткылачы! Алар жаңы эле бутуна туруп келе жатат, өлкө өнүксүн. Кимге тоскоол болуп жатат? Бул жөн жерден жасалып жатат дейсиңерби? Жок. Казакстанга Кыргызстан аркылуу жетүү үчүн, Кытайга Россия аркылуу жетиш үчүн жасалгандай эле нерсе», — деди Лукашенко.
Июндун башында УКМК бийликти басып алуу үчүн массалык башаламандык уюштурууну көздөгөн адамдар кармалганын билдирген.
