Бишкек ТЭЦиндеги жарылуу көмүр майдалаган тегирменден чыккан

Бул тууралуу ӨКМ башчысынын орун басары билдирди. 

Анын айтымында, жарылуу өтө чоң масштабда болуп, терезенин айнектери, чатырдын туникелери жүздөгөн метрге чейин учкан. 

“Жарылуунун күчү аябай чоң болгон. Баш-аягы 650-680 метрлик чатыры толугу менен аңтарылып калган. 14-от казандын жанында көмүрдү майдалап, от казанга чачып бере турган тегирмен болгон. Жарылуунун очогу ошол жерден табылды”, — деди Урмат Шамырканов “Биринчи радионун” эфиринде.