Полу тешилген троллейбус каттамдан алынып, айдоочуга сөгүш берилди

Бишкекте полу тешилген №2 троллейбустук каттамдагы троллейбус убактылуу линиядан чыгарылды.

Бул тууралуу Бишкек троллейбус башкармалыгынан билдиришти.

«Полдун тешиги жана ичинин кирин жоюу боюнча зарыл чаралар көрүлүүдө. Убактылуу ыңгайсыздык үчүн жүргүнчүлөрдөн кечирим сурайбыз», — деп айтылат маалыматта.

Айдоочуга санитардык нормаларды бузгандыгы үчүн сөгүш жарыяланган.