Кыргызстан менен Сент-Люсиянын ТИМ башчылары кызматташууну талкуулашты

Тышкы иштер министри Жээнбек Кулубаев Сент-Люсия Республикасынын тышкы иштер министри Альва Романус Баптист менен эки тараптуу жолугушуу өткөрдү.

Ведомстводон маалымдашкандай, жолугушуу БУУнун Башкы Ассамблеясынын 80-сессиясынын алкагында Нью-Йорк шаарында өттү.

Анда тараптар өз ара кызыгууну жараткан кызматташтыктын келечектүү тармактарын талкуулашты.

Министр Кулубаев сент-люсиялык кесиптешин расмий сапар менен Кыргызстанга келип кетүүгө чакырды.

Тараптар көп багыттуу форматта, айрыкча эл аралык уюмдардын алкагында кандидатураларды өз ара колдоо маселелери боюнча кызматташууну улантууга кызыкдар экенин билдиришти.