Тажикстан келишимдерди бузду. Ташиев, Бөрүбаев жана Мырзаевдер Чоң-Алайга жөнөп кетти

Улуттук коопсуздук мамлекеттик комитетинин төрагасы, генерал-лейтенант Камчыбек Ташиев, министрлер кабинетинин чек ара маселеси боюнча атайын өкүлү Назирбек Бөрүбаев жана Жер ресурсу боюнча мамлекеттик агенттиктин директору Абдулат Мырзаев Ош облусунун Чоң-Алай районуна жөнөп кетишти.

Эскерте кетсек, тажик тарап делимитация жана демаркация маселеси боюна өкмөттөр аралык делегациянын мурда жетишилген келишимдерин бузуу менен 4-июнда түнкү саат 03:00дор чамасында КРнын аймагына 1000 метрге чейин кирүү менен Ош облусунун Чоң-Алай райнундагы Унжу-Булак жергесинде чек аранын такталбаган тилкесине контейнер орното баштаган. Муну менен катар тажик тараптан автоунааларда жана жеңил брондолгон унааларда аскер кызматкерлеринин топтолушу байкалууда.