Таалайбек Сарыбашов Бишкек шаарынын мэринин милдетин аткаруучу болуп дайындалды

Сарыбашов Таалайбек Насирбекович мурда ээлеген кызматынан бошотулуп, Бишкек шаарынын жаңы мэри шайланганга чейин шаардын мэринин милдетин аткаруучу болуп дайындалды.

Министрлер кабинетинин басма сөз кызматы билдиргендей, тийиштүү буйрукка министрлер кабинетинин төрагасы Улукбек Марипов кол койду.