Ысык-Көлдө көк бөрү боюнча президенттин кубогу үчүн эл аралык мелдеш старт алды

Ысык-Көл облусунда көк бөрү боюнча президенттин кубогу үчүн эл аралык мелдеш старт алды. Бул тууралуу Кыргызстандын көк бөрү федерациясынын маалымат кызматы билдирди.

Оюн 23-31-август аралыгында Чолпон-Ата шаарынын ат майданында өтөт.

Эскерте кетсек, оюн Кыргызстандын эгемендүүлүгүнүн 30 жылдыгына карата өткөрүлүүдө.

Буга чейин Маданият, маалымат, спорт жана жаштар саясаты министрлиги эгемендүүлүктүн 30 жылдыгына карата өлкө аймагында өтө турган иш-чаралардын тизмесин жарыялаган.